চলিত এছিয়ান গেমছত ভাৰতে পুনৰ এটি ব্ৰঞ্জৰ পদক লাভ কৰিবলৈ সক্ষম হয় । ভাৰতীয় খেলুৱৈ গুলৱীৰ সিঙে মঙলবাৰে কমনৱেলথ গেমছৰ পুৰুষৰ ১০ হাজাৰ মিটাৰ দৌৰত ৰূপৰ পদক লাভ কৰি আন এক ইতিহাস ৰচনা কৰে । ইয়াৰ লগে লগে তেওঁ কমনৱেলথ গেমছৰ ইতিহাসত এই ইভেণ্টত পদক লাভ কৰা প্ৰথমজন ভাৰতীয় খেলুৱৈ হিচাপে পৰিগণিত হয় । এথলেটিকছত ভাৰতৰ এয়া দ্বিতীয়টো ৰূপৰ পদক । ইয়াৰ পূৰ্বে সৰ্বেশ কুশৰে পুৰুষৰ হাই জাম্পত ৰূপৰ পদক লাভ কৰিছিল ।
নেৰানেপেৰা বৰষুণৰ সময়ত স্কটষ্টাউন ষ্টেডিয়ামত পানীৰে ভৰি আছিল । তেনে এক প্ৰত্যাহ্বানমূলক পৰিস্থিতিৰ মাজতো দৌৰি গুলৱীৰে আন দৌৰবিদসকলৰ মাজত নিজৰ স্থান অক্ষুণ্ণ ৰাখিছিল । অন্তিম ষ্ট্ৰেচত তেওঁ তীব্ৰ গতি বৃদ্ধি কৰি ২৭:৪৯.৭৮ ছেকেণ্ডত দ্বিতীয় স্থান দখল কৰে । অষ্ট্ৰেলিয়াৰ কাই ৰবিনছনে ২৭:৪৮.৯৩ ছেকেণ্ডত স্বৰ্ণ পদক লাভ কৰাৰ বিপৰীতে আইল অৱ মেনৰ ডেভিদ মুলাৰ্কিয়ে ২৭:৫০.২৮ ছেকেণ্ডত ব্ৰঞ্জৰ পদক লাভ কৰে ।
পদক লাভ কৰি তেওঁ কয়, ”পদক লাভ কৰি সদায় ভাল লাগে… ।”
প্ৰশিক্ষক স্কট ছিমনছৰ অধীনত আমেৰিকাত প্ৰশিক্ষণ লোৱা গুলৱীৰ ২০২৩ চনৰ বিশ্ব চেম্পিয়নশ্বিপৰ পদক বিজয়ী কেনিয়াৰ ডেনিয়েল আবেয়োৰ দৰে কেইবাজনো আফ্ৰিকান স্প্ৰিণ্টাৰকে ধৰি শক্তিশালী প্ৰতিযোগীৰ বিৰুদ্ধে উৎকৃষ্ট কৌশল ব্যৱহাৰ কৰিছিল ।
