২০২৬ চনৰ কমনৱেলথ গেমছত ভাৰতে দেখুৱাবলৈ সক্ষম হৈছে উন্নত প্ৰদৰ্শন । সোমবাৰে ভাৰতৰ শৰ্মিলা ধনখড়ে পেৰা এথলেটিকছত ভাৰতৰ হৈ স্বৰ্ণ পদক লাভ কৰে । এইটোৱে হ’ল কমনৱেলথ গেমছত ভাৰতে লাভ কৰা প্ৰথমটো স্বৰ্ণ পদক ।
মহিলাৰ শ্বট পুট এফ ৫৭ ইভেণ্টত উন্নত প্ৰদৰ্শন কৰি সোণৰ পদক লাভ কৰে শৰ্মিলাই । শৰ্মিলাই ৯.৮১ মিটাৰৰ উৎকৃষ্ট থ্ৰ’ প্ৰদৰ্শন কৰে । ২০২৬ চনৰ কমনৱেলথ গেমছৰ পঞ্চম দিনটোত ভাৰতে ছটা পদক লাভ কৰিবলৈ সক্ষম হয় । শৰ্মিলা ধনখেড়ৰ ঐতিহাসিক স্বৰ্ণ পদক লাভ কৰাৰ বিপৰীতে জ্ঞানেশ্বৰী যাদৱ, সৰ্বেশ কুছাৰ আৰু বল্লুৰি অজয় বাবুৱে ৰূপৰ পদক লাভ কৰে । ইয়াৰ লগতে বিন্দ্যাৰাণী দেৱী আৰু শিল্পা কে শায়লাই ব্ৰঞ্জৰ পদক লাভ কৰে ।
ভাৰতীয় এথলেটিকছৰ সৰ্বেশ কুশৰে আন এক পদক লাভ কৰি কমনৱেলথ গেমছত পুৰুষৰ হাই জাম্পত ৰূপৰ পদক লাভ কৰি আন এক ইতিহাস সৃষ্টি কৰে । চলিত কমনৱেলথ গেমছত প্ৰথমবাৰৰ বাবে মহিলাৰ ৫৩ কেজি শাখাত ৰূপৰ পদক লাভ কৰে জ্ঞানেশ্বৰী যাদৱে । ইয়াৰ পিছতে বিন্দ্যাৰাণী দেৱীয়ে মহিলাৰ ৫৮ কেজি শাখাত ব্ৰঞ্জৰ পদক লাভ কৰি চাৰি বছৰ পূৰ্বে বাৰ্মিংহামত ৰূপৰ পদক লাভ কৰাৰ পিছত একেৰাহে দ্বিতীয়বাৰৰ বাবে কমনৱেলথ গেমছত পদক লাভ কৰে ।
