অসমৰ কৃষকৰ বাবে ডাঙৰ খবৰ। কৃষি আৰু জলসিঞ্চন মন্ত্ৰী পীযুষ হাজৰীকাই বৃহস্পতিবাৰে জনতা ভৱনত জলসিঞ্চন বিভাগৰ বিষয়াসকলৰ সৈতে এখন গুৰুত্বপূৰ্ণ পৰ্যালোচনা বৈঠকত মিলিত হয়।
বৈঠকত বাহ্যিক সাহায্যপ্ৰাপ্ত প্ৰকল্প (EAP) সমূহৰ অগ্ৰগতিৰ বিষয়ে আলোচনা কৰা হয়।
প্ৰকল্পৰ জৰিয়তে কি লাভ হ’ব?
- ব্যয়:এই প্ৰকল্পসমূহৰ মুঠ আনুমানিক ব্যয় ৬,০০০ কোটি টকাৰো অধিক।
- লাভ:ৰাজ্যৰ ১১ খন জিলাৰ ১.৭৩ লাখ হেক্টৰ কৃষি ভূমি জলসিঞ্চনৰ আওতালৈ আহিব।
- উদ্দেশ্য:জলসিঞ্চনৰ আন্তঃগাঁথনি শক্তিশালী কৰা আৰু খেতিৰ উৎপাদন বৃদ্ধি কৰা।
মন্ত্ৰীৰ কঠোৰ নিৰ্দেশ
মন্ত্ৰীগৰাকীয়ে বিষয়াসকলক স্পষ্টকৈ কয় যে কৃষক যাতে সময়মতে পানী পায় তাৰ বাবে কামত গতি আনিব লাগে। চলিত বতৰৰ সুবিধা লৈ জলসিঞ্চনৰ সুবিধা অধিক সম্প্ৰসাৰণ কৰিবলৈ নিৰ্দেশ দিয়ে।
লগতে তেওঁ পাইপৰ জৰিয়তে জলসিঞ্চন, সৌৰশক্তি ব্যৱহাৰ আৰু ভাৰতৰ অন্য ৰাজ্যৰ সফল মডেল অসমত ৰূপায়ণ কৰিবলৈ কয়। কেন্দ্ৰীয় জল আয়োগে (CWC) কৰা প্ৰশ্নসমূহ সোনকালে সমাধান কৰিবলৈও তেওঁ নিৰ্দেশ দিয়ে।
এই বৈঠকত বিশেষ মুখ্য সচিব এছ. আব্বাছী, মুখ্য অভিযন্তা সহ বিভাগৰ বহু জ্যেষ্ঠ বিষয়া উপস্থিত আছিল।
