ভাৰতীয় বংশোদ্ভৱ চিকিৎসক অমিশ শ্বাহে আমেৰিকাত ইতিহাস ৰচিলে। এৰিজোনা ৰাজ্যৰ পৰা আমেৰিকাৰ কংগ্ৰেছলৈ নিৰ্বাচিত হোৱা প্ৰথমজন ভাৰতীয়-আমেৰিকান হ’ল তেওঁ।
বুধবাৰে এৰিজোনাৰ প্ৰথম কংগ্ৰেছনেল জিলাৰ পৰা আমেৰিকাৰ প্ৰতিনিধি সভাৰ নিৰ্বাচনত জয়লাভৰ দাবী কৰে ৪৮ বছৰীয়া অমিশ শ্বাহে।
কাক হৰুৱালে?
ডেম’ক্ৰেটিক প্ৰাৰ্থী অমিশ শ্বাহে ৰিপাব্লিকান প্ৰাৰ্থী জে’ ফিলিক পৰাস্ত কৰে। ফিলি এজন প্ৰাক্তন NFL খেলুৱৈ আছিল আৰু তেওঁক ৰাষ্ট্ৰপতি ড’নাল্ড ট্ৰাম্পে সমৰ্থন কৰিছিল।
অমিশ শ্বাহে পালে ৫২.৪৯% ভোট, আনহাতে ফিলিয়ে পালে ৪৫.৪৫% ভোট। ইয়াৰ ফলত ৰিপাব্লিকানৰ দখলত থকা আসনখন ডেম’ক্ৰেটৰ হাতলৈ আহিল।
কিয় গুৰুত্বপূৰ্ণ?
- অমিশ শ্বাহ হ’ল আমেৰিকাৰ প্ৰতিনিধি সভালৈ নিৰ্বাচিত হোৱা ষষ্ঠজন ভাৰতীয়-আমেৰিকান
- এৰিজোনাৰ পৰা প্ৰথমজন ভাৰতীয়-আমেৰিকান কংগ্ৰেছমেন
- তেওঁ এজন ইমাৰ্জেন্সী ৰুমৰ চিকিৎসক আৰু এৰিজোনা বিধানসভাৰ ৩ বাৰৰ বিধায়ক
এই জয়ৰ পিছত আমেৰিকাত ভাৰতীয় সমাজৰ প্ৰভাৱ আৰু শক্তিশালী হ’ল বুলি চৰ্চা চলিছে।
