চীন, মালয়েছিয়া, ভিয়েটনামৰ পৰা অহা এলুমিনিয়াম সামগ্ৰীৰ ডাম্পিং সন্দৰ্ভত DGTR এ নিজাববীয়াকৈ তদন্ত আৰম্ভ কৰিলে
ভাৰতৰ ঘৰুৱা এলুমিনিয়াম উদ্যোগক ৰক্ষা কৰাৰ বাবে এতিয়া ডাঙৰ পদক্ষেপ লৈছে কেন্দ্ৰীয় বাণিজ্য মন্ত্ৰণালয়ৰ অধীনস্থ সংস্থা DGTR এ।
চীন, মালয়েছিয়া আৰু ভিয়েটনামৰ পৰা ভাৰতলৈ আমদানি হোৱা এলুমিনিয়াম সামগ্ৰীৰ ডাম্পিং হৈছে নে নাই, সেই বিষয়ে Directorate General of Trade Remedies (DGTR) এ নিজাববীয়াকৈ (suo motu) তদন্ত আৰম্ভ কৰিছে।
কিয় এই তদন্ত?
অভিযোগ অনুসৰি, এই তিনিখন দেশৰ পৰা ভাৰতলৈ অহা এলুমিনিয়াম সামগ্ৰীৰ দাম উৎপাদন খৰচতকৈও কম। কম দামত সামগ্ৰী বজাৰত সোমোৱাৰ বাবে ভাৰতৰ স্থানীয় উৎপাদকসকলে প্ৰতিযোগিতাত টিকিব পৰা নাই।
ইয়াৰ ফলত ভাৰতৰ এলুমিনিয়াম উদ্যোগত উৎপাদন কমিছে, লাভ কমিছে আৰু বহু কোম্পানী লোকচানৰ সন্মুখীন হৈছে।
তদন্তত কি চোৱা হ’ব?
এই তদন্তৰ সময়ত DGTR এ –
- আমদানি হোৱা সামগ্ৰীৰ পৰিমাণ
- সেই সামগ্ৰীৰ দাম
- ভাৰতীয় বজাৰত তাৰ প্ৰভাৱ
- ঘৰুৱা উদ্যোগৰ ক্ষতি
এই সকলোবোৰ দিশ গভীৰভাৱে পৰীক্ষা কৰিব।
আগলৈ কি হ’ব পাৰে?
যদি তদন্তত ডাম্পিং প্ৰমাণিত হয়, তেন্তে ভাৰত চৰকাৰে এই দেশসমূহৰ পৰা অহা এলুমিনিয়াম সামগ্ৰীৰ ওপৰত এণ্টি-ডাম্পিং শুল্ক (Anti-Dumping Duty) আৰোপ কৰিব পাৰে।
এই পদক্ষেপে ভাৰতীয় উদ্যোগক সকাহ দিব বুলি আশা কৰা হৈছে। আনফালে, এই সিদ্ধান্তই ভাৰত আৰু সংশ্লিষ্ট দেশসমূহৰ মাজৰ বাণিজ্যিক সম্পৰ্কতো প্ৰভাৱ পেলাব পাৰে।
এতিয়া সকলোৰে চকু DGTR ৰ তদন্তৰ প্ৰতিবেদনৰ ওপৰত।
