আমেৰিকাৰ ৰাষ্ট্ৰপতি ডোনাল্ড ট্ৰাম্পৰ সপোনৰ প্ৰকল্প – ৱাশ্বিংটন ডি.চি.ত ২৫০ ফুট ওখ ট্ৰায়াম্ফেল আৰ্চ নিৰ্মাণৰ কামত ১৪ দিনৰ বাবে স্থগিতাদেশ দিলে ফেডাৰেল ন্যায়াধীশে।
ফেডাৰেল পৰিকল্পনা আয়োগে ৮-৪ ভোটত প্ৰকল্পটোক চূড়ান্ত অনুমোদন দিয়াৰ এঘণ্টাৰ ভিতৰতে এই ৰায় আহিল।
কি হৈছিল?
ন্যায়াধীশ টানিয়া চুটকানে ডি.চি. আৰু ভাৰ্জিনিয়া চৰকাৰৰ আবেদনৰ ভিত্তিত এই অস্থায়ী নিষেধাজ্ঞা জাৰি কৰে। আদেশ অনুসৰি, আগন্তুক ১৪ দিনলৈ আৰ্চৰ বাবে কোনো ধৰণৰ নিৰ্মাণ, খনন, ভঙা-ছিঙা, মাটি খন্দা, ৰাস্তা বন্ধ কৰা আদি কাম কৰিব নোৱাৰিব।
ক’ত বনাব লাগিছিল?
এই আৰ্চটো লিংকন মেম’ৰিয়েলৰ সন্মুখত, আৰ্লিংটন ৰাষ্ট্ৰীয় কবৰস্থানৰ কাষত থকা মেম’ৰিয়েল চাৰ্কলত বনোৱাৰ কথা আছিল। প্ৰশাসনে কৈছিল, অনুমোদন পোৱাৰ লগে লগেই খননৰ কাম আৰম্ভ কৰিব।
বিৰোধিতা কিয়?
ডি.চি., ভাৰ্জিনিয়া আৰু ভিয়েটনাম যুদ্ধৰ প্ৰবীণ সৈনিকসকলে আদালতত কৈছে, এই প্ৰকল্পৰ বাবে কংগ্ৰেছৰ অনুমোদন লোৱা হোৱা নাই। ইয়াৰ উপৰিও ২-৩ বছৰ ধৰি দিনে ২০ ঘণ্টাকৈ চলা নিৰ্মাণ কামে যান-জঁট আৰু সাধাৰণ মানুহৰ অসুবিধা সৃষ্টি কৰিব।
আদালতে ৩৩ পৃষ্ঠাৰ ৰায়ত কয়, নিৰ্মাণ আৰম্ভ হ’লেই ক্ষতি আৰম্ভ হ’ব।
এতিয়া কি হ’ব?
১৪ দিনৰ পিছত আদালতে পুনৰ শুনানি ল’ব। তেতিয়ালৈকে ট্ৰাম্প প্ৰশাসনে কোনো কাম আৰম্ভ কৰিব নোৱাৰিব।
