বিশ্বৰ আটাইতকৈ নৱীন দেশ দক্ষিণ চুডানে নিজৰ প্ৰথম ৰাষ্ট্ৰীয় নিৰ্বাচন পুনৰ পিছুৱাই দিছে।
দেশখনৰ নিৰ্বাচন আয়োগে শনিবাৰে ঘোষণা কৰা অনুসৰি, ২২ ডিচেম্বৰত হ’বলগীয়া নিৰ্বাচন এতিয়া ২০২৭ চনৰ ১১ ফেব্ৰুৱাৰীত অনুষ্ঠিত হ’ব। কিন্তু পিছুৱাৰ কাৰণ আয়োগে জনোৱা নাই।
কিয় পিছুৱালে?
২০১১ চনত স্বাধীনতা লাভ কৰাৰ পাছত দক্ষিণ চুডানে এতিয়ালৈকে এবাৰো ৰাষ্ট্ৰীয় নিৰ্বাচন অনুষ্ঠিত কৰা নাই। প্ৰথমে ২০২২ চনত নিৰ্বাচন হোৱাৰ কথা আছিল, কিন্তু এতিয়ালৈকে কমেও ৩ বাৰ পিছুৱাই দিয়া হৈছে।
দেশখনত জাতিগত আৰু ৰাজনৈতিক উত্তেজনা বৃদ্ধি পাইছে। ৰাষ্ট্ৰসংঘইও সতৰ্ক কৰি দিছিল যে ডিচেম্বৰত ভোট হ’লে ব্যাপক সংঘৰ্ষ হ’ব পাৰে।
নতুন সময়সূচী:
- ভোটাৰ পঞ্জীয়ন:১৪ নৱেম্বৰৰ পৰা ২৮ নৱেম্বৰলৈ
- প্ৰচাৰ:২৭ ডিচেম্বৰৰ পৰা ৯ ফেব্ৰুৱাৰীলৈ (৪৫ দিন)
- ভোটগ্ৰহণ:১১ ফেব্ৰুৱাৰী, ২০২৭
- ফলাফল:১৫-১৬ ফেব্ৰুৱাৰীত
নিৰ্বাচন আয়োগৰ অধ্যক্ষ গেব্ৰিয়েল বল ডেঙে জনাইছে যে দেশজুৰি ৩,১৬১টা পঞ্জীয়ন কেন্দ্ৰ স্থাপন কৰা হৈছে আৰু ২২,০০০ৰো অধিক কৰ্মচাৰী নিয়োগ কৰা হৈছে।
কিন্তু নিৰ্বাচনৰ বাবে প্ৰয়োজনীয় ২৭৬ মিলিয়ন ডলাৰৰ ভিতৰত এতিয়ালৈকে মাত্ৰ ২১ মিলিয়ন ডলাৰহে পোৱা গৈছে।
যোৱা ছেপ্টেম্বৰত ৰাষ্ট্ৰপতি ছালভা কিয়েৰে অন্তৱৰ্তীকালীন চৰকাৰ ভংগ কৰি কেয়াৰটেকাৰ চৰকাৰ গঠন কৰিছিল।
