কেন্দ্ৰীয় কেবিনেটে বুধবাৰে ৭,৩৯৫.৫৫ কোটি টকাৰ পঞ্চায়ত শক্তিশালীকৰণ আঁচনি অনুমোদন কৰে। প্ৰধানমন্ত্ৰী বিকশিত গ্ৰাম স্বৰাজ যোজনা (PM VGSY) নামৰ এই আঁচনিখন ২০২৬-২৭ ৰ পৰা ২০৩০-৩১ লৈ চলিব।
মুঠ ব্যয়ৰ ভিতৰত কেন্দ্ৰৰ অংশ ৪,৮৬৯.৪৮ কোটি আৰু ৰাজ্যৰ অংশ ২,৫২৬.০৭ কোটি টকা। এই আঁচনি ষোড়শ বিত্ত আয়োগৰ সময়ৰ লগত মিল ৰাখি চলিব।
ইয়াৰ লক্ষ্য হৈছে ২.৫৫ লাখৰো অধিক গ্ৰাম পঞ্চায়তক ডিজিটেল আৰু প্ৰশাসনিকভাৱে শক্তিশালী কৰা। প্ৰায় ৩২ লাখ নিৰ্বাচিত প্ৰতিনিধি আৰু পঞ্চায়ত কৰ্মচাৰীয়ে ইয়াৰ পৰা প্ৰত্যক্ষ লাভ পাব।
প্রতিখন গাঁও পঞ্চায়তে eGramSwaraj পৰ্টেলত বছৰি গ্ৰাম পঞ্চায়ত উন্নয়ন পৰিকল্পনা (GPDP) প্ৰস্তুত কৰিব, য’ত কেন্দ্ৰীয় আঁচনি, হিতাধিকাৰী আৰু সম্পদৰ তথ্য একেলগে থাকিব। লগতে AuditOnline ৰ জৰিয়তে অনলাইন অডিট বাধ্যতামূলক কৰা হ’ব।
