চোৰাংচোৱাৰ তথ্যৰ ভিত্তিত অভিযান চলাই অসম আৰক্ষীয়ে বৃহস্পতিবাৰৰ দিনটোত পুনৰ জব্দ কৰিবলৈ সক্ষম হয় ড্ৰাগছ । জানিব পৰা মতে, গুৱাহাটী আৰক্ষী আয়ুক্তৰ অন্তৰ্গত পানবজাৰ থানাৰ এটা দলে ৩ নং ৰে’লৱে গেটৰ সমীপত অভিযান চলাই এজন সন্দেহযুক্ত ড্ৰাগছ বেপাৰীক গ্ৰেপ্তাৰ কৰে । ধৃত অভিযুক্তজন বৰপেটাৰ বাসিন্দা ৰাজীবুল ৰহমান বুলি জানিব পৰা গৈছে ।
আৰক্ষীয়ে জনোৱা অনুসৰি ৰহমানক ৭ টা হেৰ’ইনৰ ভৰ্তি কণ্টেইনাৰৰ সৈতে গ্ৰেপ্তাৰ কৰা হৈছে । জব্দ কৰা নিষিদ্ধ সামগ্ৰীখিনিৰ মুঠ ওজন ৯.১৬ গ্ৰাম । চোৰাংচোৱাৰ তথ্যৰ পিছত আৰক্ষীৰ অভিযানৰ সময়ত এই নিষিদ্ধ সামগ্ৰীখিনি জব্দ কৰা হয় আৰু অভিযুক্তক জেৰা আৰু অধিক আইনী প্ৰক্ৰিয়াৰ বাবে জিম্মাত লোৱা হয় ।
ধৃতজনৰ বিৰুদ্ধে আইনী ব্যৱস্থা গ্ৰহণ কৰিছে আৰক্ষীয়ে । ড্ৰাগছৰ উৎসৰ লগতে অভিযুক্তজন বৃহত্তৰ ড্ৰাগছ সৰবৰাহৰ নেটৱৰ্কৰ সৈতে জড়িত আছিল নেকি সেই সন্দৰ্ভতো তদন্ত আৰম্ভ কৰিছে আৰক্ষীয়ে ।