গুৱাহাটীৰ ইন্দিৰা গান্ধী এথলেটিক ষ্টেডিয়ামত অনুষ্ঠিত ১৩৫ সংখ্যক ইণ্ডিয়ান অইল ডুৰাণ্ড কাপৰ গ্ৰুপ-এফৰ উদ্বোধনী খেলত ডিফেণ্ডিং চেম্পিয়ন নৰ্থইষ্ট ইউনাইটেড এফচিয়ে বড়োলেণ্ড এফচিক ৬-০ গ’লৰ বিশাল ব্যৱধানত পৰাস্ত কৰি প্ৰতিযোগিতাখনৰ শুভাৰম্ভ কৰে ।
খেলখনৰ নায়ক আছিল মৰক্কোৰ তাৰকা ষ্ট্ৰাইকাৰ আলাউদ্দিন আজাৰাই । তেওঁ ৪৫+৩, ৬৭ আৰু ৮৬ মিনিটত গ’ল কৰি হেট্ৰিক সম্পূৰ্ণ কৰে । আনহাতে লালৰিঞ্জুৱালা লালবিয়াকনিয়া (৫৮ মিনিট), ৰিডিম ট্লাং (৭০ মিনিট) আৰু আন্তোনিঅ’ ময়ানো (৯০+১ মিনিট)-এ এটাকৈ গ’ল যোগ কৰি দলটোৰ বৃহৎ জয় নিশ্চিত কৰে ।
খেলৰ আৰম্ভণিৰে পৰা নৰ্থ ইষ্ট ইউনাইটেডে বল দখল আৰু আক্ৰমণৰ ওপৰত সম্পূৰ্ণ নিয়ন্ত্ৰণ ৰাখে । একাধিক সুযোগ সৃষ্টি কৰিলেও প্ৰথমাৰ্ধৰ ইনজুৰি টাইমত আজাৰাইৰ গ’লৰ জৰিয়তে দলটোৱে অগ্ৰগতি লাভ কৰে । দ্বিতীয়াৰ্ধত হাইলেণ্ডাৰ্ছে আৰু অধিক আক্ৰমণাত্মক ৰূপ ধাৰণ কৰে । লালৰিঞ্জুৱালাই দ্বিতীয় গ’ল কৰাৰ পিছতে আজাৰাইয়ে নিজৰ দ্বিতীয় গ’ল কৰে ।
তাৰপিছত ৰিডিম ট্লাং আৰু আজাৰাইৰ তৃতীয় গ’লত ব্যৱধান ৫-০লৈ বৃদ্ধি পায় । অন্তিম মুহূৰ্তত আজাৰাইৰ সুন্দৰ এছিষ্টৰ পৰা আন্তোনিঅ’ ময়ানোৱে ষষ্ঠ গ’লটো কৰি নৰ্থইষ্ট ইউনাইটেডৰ ৬-০ গ’লৰ বৃহৎ জয় নিশ্চিত কৰে । এই জয়েৰে ডুৰাণ্ড কাপত খিতাপ ৰক্ষাৰ অভিযান আৰম্ভ কৰিলে নৰ্থইষ্ট ইউনাইটেড এফচিয়ে ।
ষ্টপেজ টাইমত আৰু এটা গ’লৰ বাবে সময় আছিল । বাওঁফালে পাৰ্থিব গগৈক দিয়া এটা আনন্দদায়ক লফ্ট পাছ দি আজাৰাইয়ে প্ৰভাইডাৰলৈ পৰিণত হয় আৰু উইংগাৰগৰাকীয়ে নিস্বাৰ্থভাৱে বলটো গ’লৰ ওপৰেৰে স্কোৱাৰ কৰি বিকল্প এণ্টনিঅ’ ময়ানোৰ বাবে স্ক’ৰ কৰে, যিয়ে আটাইতকৈ সহজ ফিনিছিং প্ৰয়োগ কৰি ৬-০ গ’লত বিজয়ী হয় ।
