নীট প্ৰশ্নকাকত ফাদিল, শিক্ষা ব্যৱস্থাৰ সংস্কাৰ আৰু শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীত আমৰণ অনশনত বহা জলবায়ু কৰ্মী তথা উদ্ভাৱক সোণম বাংচুকে অৱশেষত নিজৰ আমৰণ অনশন ভংগ কৰিলে ৷ ২৬ দিনৰ অন্তত গুৰুগ্ৰাম হাস্পতালত চিকিৎসাধীন অৱস্থাতে আমৰণ অনশন ভংগ কৰাৰ সিদ্ধান্ত গ্ৰহণ কৰিলে উদ্ভাৱকজনে ৷ হাস্পতালত কেন্দ্ৰীয় মন্ত্ৰী জে পি নাড্ডা আৰু জীতেন্দ্ৰ সিঙৰ উপস্থিতিত আমৰণ অনশন ত্যাগ কৰে ৱাংচুকে ।
উল্লেখ্য যে ২৮ জুনৰ পৰা অনিৰ্দিষ্টকালীন অনশন আৰম্ভ কৰিছিল সোণম ৱাংচুকে । ইয়াৰ পাচত 24 জুলাইৰ মাজনিশা গুৰুগ্ৰামৰ মেদান্তা হাস্পতালত নিজৰ অনশন ভংগ কৰে । কেন্দ্ৰীয় মন্ত্ৰী জে পি নাড্ডা আৰু ড০ জিতেন্দ্ৰ সিঙৰ উপস্থিতিত তেওঁ ফলৰ ৰস পান কৰি অনশন ভংগ কৰে ।
উল্লেখ কৰা প্ৰয়োজন যে, বিগত মাহৰ পৰাই দিল্লীৰ যন্তৰ-মন্তৰত প্ৰতিবাদকাৰী শিক্ষাৰ্থীসকলৰ সৈতে অনশনত বহিছিল উদ্ভাৱক ৱাংচুক । শিক্ষা ব্যৱস্থাৰ সংস্কাৰ আৰু শিক্ষামন্ত্ৰীৰ পদত্যাগৰ দাবীত চলা এই আন্দোলনে প্ৰতিবাদস্থলী উত্তাল কৰি তোলা পৰিলক্ষিত হৈছিল । ৱাংচুকৰ শাৰীৰিক অৱস্থা ক্ৰমা বেয়ালৈ অৱনমিত হোৱাৰ বাবে হাস্পতালত তেওঁক ভৰ্তি কৰোৱা হৈছিল যদিও তেওঁ হাস্পতালৰ বিচনাতো অব্যাহত ৰাখিছিল আমৰণ অনশন ।
চৰকাৰ আৰু ৱাংচুকৰ মাজত যোৱা দুদিন ধৰি অবিৰতভাৱে আলোচনা চলি আছিল । ৱাংচুক আৰু প্ৰতিবাদকাৰীসকলে তিনিটাকৈ দাবী উত্থাপন কৰিছিল আৰু ৱাংচুকৰ মুখ্য দাবী আছিল যে চৰকাৰে কেৱল মৌখিকভাৱে নহয়, লিখিতভাৱেও তেওঁলোকৰ দাবী পূৰণ কৰা হ’ব বুলি আশ্বাস প্ৰদান কৰিব লাগে । অৱশেষত চৰকাৰৰ ফালৰ পৰা লিখিত বিবৃতি প্ৰদান কৰাৰ পাছত উভয় পক্ষ ঐকমত্যত স্থাপন হয় আৰু অনশন সমাপ্ত হয় । এই সময়ত ৱাংচুকৰ পত্নী গীতাঞ্জলি জে. আংমোৰ লগতে দুই কেন্দ্ৰীয় মন্ত্ৰী লাডাখ Apex Body ৰ প্ৰতিনিধিসকলৰ লগতে চিকিৎসক উপস্থিত আছিল । প্ৰায় 20 দিনতকৈ অধিক দিন সময় ধৰি কৰা আমৰণ অনশনৰ ফলত ৱাংচুকৰ স্বাস্থ্যৰ অৱস্থা অবিৰতভাৱে অৱনতি ঘটিছিল, যাৰ বাবে চিকিৎসকসকলেও তেওঁক অনশন ভংগ কৰাৰ পৰামৰ্শ দিছিল । কেন্দ্ৰীয় চৰকাৰে লিখিত বিবৃতি প্ৰদান কৰাৰ পাছতে উভয় পক্ষ ঐকমত্যত উপনীত হয় আৰু অনশন সমাপ্ত কৰে ।
অনশন ভংগ কৰি সামাজিক মাধ্যমত কি ক’লে সোনম ৱাংচুকে ?
অনশন সমাপ্ত কৰি ৱাংচুকে এক ভিডিঅ’ বাৰ্তাযোগে সোনম ৱাংচুকে কয়, “নমস্কাৰ বন্ধুসকল, আজি মোৰ অনশনৰ ২৬ সংখ্যক দিন । আপোনালোকৰ সৈতে এটা বিশেষ খবৰ শ্বেয়াৰ কৰিব বিচাৰিছোঁ । এতিয়া নিশা প্ৰায় ১২.৩০ বাজিছে । অলপ আগতে কেন্দ্ৰীয় মন্ত্ৰী জে পি নাড্ডা আৰু ড০ জিতেন্দ্ৰ সিং ইয়ালৈ আহিছিল । লাডাখ Apex Body-ৰ নেতাসকলেও ইয়ালৈ আহিছে। ইয়াৰ পূৰ্বে বিভিন্ন ৰাজনৈতিক দলৰ প্ৰায় ৬৫জন সাংসদে আমাৰ সৈতে সাক্ষাৎ কৰিছিল আৰু স্বাক্ষৰসহ অনশন সমাপ্ত কৰাৰ বাবে অনুৰোধ জনাইছিল ।”
চৰকাৰে কোনবোৰ বিষয়ত লিখিত আশ্বাস দিলে?
ৱাংচুকে জনোৱা অনুসৰি চৰকাৰে লিখিতভাৱে তিনিটা আশ্বাস প্ৰদান কৰিছে –
- ২০ জুলাইৰ সংসদলৈ যাত্ৰাত অংশগ্ৰহণ কৰা আৰু শান্তিপূৰ্ণভাৱে প্ৰতিবাদ কৰা লোকসকলৰ বিৰুদ্ধে কোনো আইনগত ব্যৱস্থা গ্ৰহণ নকৰাৰ ক্ষেত্ৰত চৰকাৰে ইতিবাচক মনোভাৱ গ্ৰহণ কৰিব ।
- সংসদত প্ৰশ্নকাকত ফাদিল আৰু পৰীক্ষা ব্যৱস্থাৰ সংস্কাৰৰ বিষয়ত বিস্তৃত আলোচনা কৰি ইয়াৰ স্থায়ী সমাধান উলিয়াবলৈ চৰকাৰে আশ্বাস দিছে ।
- শেহতীয়া প্ৰশ্নকাকত ফাদিল কাণ্ডৰ সৈতে জড়িত ঘটনাত আত্মহত্যা কৰা ছাত্ৰ-ছাত্ৰীৰ পৰিয়ালক উপযুক্ত ক্ষতিপূৰণ প্ৰদান কৰাৰ প্ৰস্তাৱৰ বিষয়তো চৰকাৰে ইতিবাচকভাৱে বিবেচনা কৰিব ।
